Neem kennis dat die databasis deurmekaar geraak het met van die links. Ek is besig om dit reg te stel en sal seker nog 'n paar maande duur. Om soorgelyke insidente in die toekoms te voorkom, sal die databasis een keer 'n maand afgelaai word as ('n backup) en beskikbaar wees in soorgelyke gevalle vir regstelling.
Dit is met leedwyse dat ons die afsterwe van Tannie Gesina Hester Maria Kotze (nee Lotriet), een van die susters van my oorlede vader, Johannes Albertus Lotriet, aankondig wat op 28 Junie 2009 te Paarl, wat op die ouderdom van 73 oorlede is. Ons simpatie gaan uit na al die kinders, agter kleinkinders, familie en vriende.
Ek het gisteraand by Bernhardt Wienand, my neef, in die Strand gaan kuier. Ons het daarna by my oom Jakobus Le Roux, my pa se halfbroer, in die Paarl gaan kuier. Tannie Anna het lekker koffie en biskuit voorgesit. My niggie Mariaan en haar man Pierre, het gehelp om die Stamboom op te gradeer. Dit het regtig baie gehelp om van die uitstaande data aan te vul. Dankie julle. Dit was regtig 'n voortreflike aand en lekker om die los stringe weer op te tel.
Dit is met groot blydskap dat ons aankondig dat Rene Prinsloo (die jongste dogter van George en Antionette Prinsloo) op 9/4/2009 met Jaques Weber in die huwelik bevestig gaan word te Galagos Estate te Pretoria Oos. Ons sien uit na 'n wonderlike en lekker troue!
Dit is met groot blydskap dat ons aankondig dat Maryke Prinsloo( die oudste dogter van George en Antionette Prinsloo) op 14/1/2009 verloof geraak het aan 'n mooie jongeman, Rudi Pretorius. Alle voorspoed word julle twee toegewens.
Dit is met leedwyse dat ons u meedeel dat die moeder van Alet Strydom (skoonma van Johan Francois Lotriet, jnr) wie woonagtig was in Windhoek , op Vrydag 23/01/2009, oorlede is. Die begrafnis vind plaas op Woensdag 28/01/2009 te Windhoek. Ons meegevoel gaan uit na die familie in hierdie moeilike tyd.
